Viti 2020 ishte plot me sfida të mëdha për parqet në të gjithë Evropën, megjithatë nëse ka një gjë për të cilën natyra na mëson, është se për të mbijetuar duhet të përshtatemi.
Covid-19 edhe një herë ka theksuar nevojën e Evropës për hapësira të gjelbërta. Plani evropian i rimëkëmbjes “Brezi i ardhshëm BE” premton të ndërtojë një Evropë më të mirë, më të gjelbër dhe më elastike.
EUROPARC është i bindur se parqet dhe zonat e mbrojtura duhet të përfshihen në diskutime për të ardhmen dhe të punojnë shumë për zgjidhje efikase për të siguruar një Evropë më të sigurtë dhe të qëndrueshme.
Pra, çfarë keni mësuar nga sfidat që paraqiti 2020? Dhe çfarë do të thotë kjo për të ardhmen e parqeve? Si do të duket brezi tjetër i Parqeve? Kjo është ajo që duam të zbulojmë dhe festojmë gjatë Ditës Evropiane të Parqeve të këtij viti e cila kremtohet në 24 maj.
Është koha për të rifreskuar dhe rimenduar atë që parqet ofrojnë, për t’u përshtatur me metodat e reja të komunikimit, infrastrukturat e reja dhe vizitorët e rinj. Sigurisht, kur mendoni për gjeneratën e ardhëshme të parqeve, përfshirja e të rinjve është absolutisht thelbësore në të gjitha nivelet e menaxhimit të parqeve. Mbi të gjitha, ata janë gjenerata tjetër e profesionistëve të natyrës. Sidoqoftë, vini re se tema “Gjenerata tjetër” nuk është e kufizuar vetëm tek të rinjtë. Mund të jenë mënyra të reja të punës, ndryshime në menaxhim ose përshtatje për shkak të krizës së koronës, ndaj mos nguroni të bëheni krijues!
Dita Evropiane e Parqeve është një ditë për të festuar Zonat e Mbrojtura. Le t’i tregojmë botës në 2021 se si Parqet vazhdimisht evoluojnë, përshtaten dhe ecin përpara.
Dita Evropiane e Parqeve është një ditë përkujtimore për Zonat e Mbrojtura në të gjithë Evropën, e cila nisi në 1999 nga Federata EUROPARC. Kjo date zë fill me krijimin e parqeve të para kombëtare në Evropë – një grup prej nëntë parqesh të krijuara në Suedi në 1909 dhe miratuar me 24 maj.
Kliti Starja
Drejtor, Agjencia Kombëtare e Mjedisit, Tiranë
Pedagog, Fakulteti i Shkencave Pyjore, UBT.
Gjon Fierza
Specialist, Agjencia Kombëtare e Mjedisit, Tiranë
