Kalcium
Me kalimin e moshës, mund të filloni të humbni nga ky mineral më shumë sesa merrni në organizëm. Kjo mund të bëjë që kockat të thyhen më lehtë (osteoporoza), veçanërisht për gratë pas menopauzës. Kalciumi ndihmon muskujt, nervat, qelizat dhe enët e gjakut të punojnë siç duhet. Kalciumi merret më së shumti nga ushqimi dhe asimilohet në kocka. Gratë mbi 50 vjeç dhe burrat mbi 70 vjeç duhet të marrin rreth 20% kalcium më shumë se të rriturit e tjerë. Qumështi, kosi dhe djathi janë burime të mira të këtij minerali.
Vitamina B12
Ndihmon në formimin e gjakut dhe qelizave nervore. Merret natyralisht nga ushqimet shtazore si mishi, peshku, vezët dhe qumështi. Pilula dhe ushqime “të fortifikuara” me B12, si drithërat e mëngjesit, janë burime të tjera. Deri në 30% e personave mbi 50 vjeç kanë gastrit atrofik, gjë që e bën më të vështirë për trupin ta përvetësojë këtë vitaminë nga ushqimet. Antacidet, disa mjekime, dhe operacionet për humbjen e peshës mund të kontribuojnë në mungesën e B12.
Vitamina D
Shumica e njerëzve marrin vitaminë D nga rrezet e diellit, por trupi ynë është më pak i aftë të shndërrojë rrezet e diellit në vitaminë D me kalimin e moshës. Është më e vështirë për të marrë këtë vitaminë nga ushqimet, por peshqit yndyrorë si salmoni, skumbria dhe sardelet janë një burim i mirë i kësaj vitamine.
Vitamina B6
Disa studime kanë gjetur lidhje midis niveleve të larta të B 6 në gjak të të moshuarit dhe kujtesës më të mirë, por vitamina nuk duket se përmirëson aftësitë mendore tek personat me demencë. Qiqrat janë një burim i lehtë dhe i lire gjithashtu. Kështu janë edhe mëlçia, peshqit yndyrorë dhe drithërat e ngurta të mëngjesit.
Magnezi
Ndihmon trupin të prodhojë proteina dhe kocka dhe mban sheqerin në gjak në nivel të qëndrueshëm. Magnezi mund të merret nga arrat, farat dhe zarzavatet me gjethe.
Probiotikët
Këto baktere “miqësore” janë të mira për zorrën dhe merren nga ushqime të fermentuara si kosi apo lakra turshi ose nga shtesat ushqimore.
