Ja pse duhet të studioni në këtë fakultet.
Për shumë gjimnazistë momentet aktuale janë jo pak shqetësuese për shkak të periudhës së provimeve të maturës, veçanërisht për ata që ende nuk kanë vendosur se ku do të studiojnë apo cilën degë të zgjedhin ndaj për këtë arsye FSHP në UBT u vjen në ndihmë duke u sugjeruar degë specifike në këtë fakultet. Falë një sërë takimesh të zhvilluara me shumë gjimnazistë, drejtues të FSHP janë munduar të orientojnë të rinjtë për të përzgjedhur më lehtë degën e tyre të studimit.
Drejtues të FSHP saktësojnë se të gjitha programet e studimit janë unike dhe për herë të parë këtë vit diplomohen studentët e dizajnit të mobiljeve, i vetmi program i këtij lloji në tregun e punës, një domosdoshmëri dhe nevojë immediate që industria e drurit ka në sektorin e prodhimit të mobiljeve.
https://www.stateforesters.org/2021/03/18/5-reasons-to-pursue-a-career-in-forestry/
Po aq të rëndësishme dhe degë që garantojnë një të ardhme thuajse të sigurtë për të rinjtë, janë edhe degët e inxhinierisë së përpunimit të drurit dhe inxhinierisë pyjore. Njihuni me 5 arsyet që ju ndihmojnë për të zgjedhur këto degë dhe që ju bëjnë të keni një karrierë të suksesshme në sektorin pyjor.
Për adhuruesit e natyrës që kërkojnë një karrierë të dobishme, pylltaria mund të jetë perzgjedhja e përsosur. Pavarësisht nëse jeni një student që kërkoni të filloni një karrierë kuptimplotë ose dikush që kërkon punë më të përmbushur, pylltaria është një zgjedhje e shkëlqyer. Jo vetëm nga fakti se është i mirë për shëndetin tuaj mendor dhe fizik, por është një profesion që kërkohet dhe parashikohet të rritet.
-
Mbroni pyjet për gjeneratat e ardhshme
Shkencëtarët kanë bërë thirrje prej kohësh për përdorimin e pemëve dhe pyjeve për të zbutur kërcënimin global të ndryshimit të klimës. Gjatë procesit të rritjes, pemët thithin dhe ruajnë dioksidin e karbonit (Co2). Në procesin e shndërrimit të Co2 (dhe ujit dhe dritës së diellit) në dru, ato lëshojnë oksigjen në ajër dhe ndihmojnë tokën gjithashtu të kapë sasi të konsiderueshme të karbonit.
Që prej vitit2020, pyjet mbulojnë 31% të sipërfaqes globale të tokës dhe përbëjnë 80% të biodiversitetit në botë. Ne mbështetemi te pyjet për të siguruar ajër të pastër, për të marrë frymë dhe për të pirë ujë, për të siguruar gjitha llojet e frutave, arrave, farave dhe kërpudhave për të ngrënë dhe lëndëve të para si druri për të ndërtuar mobilje, shtëpi, madje dhe rrokaqiejtë.
Duke ndjekur një karrierë në ruajtjen e pyjeve, ju mund të luani një rol integral në mbrojtjen e biodiversitetit të planetit tonë dhe sigurimin e sigurisë ushqimore dhe burimeve për brezat e ardhshëm. E çfarë mund të jetë më emocionuese se kaq?
-
Është i mirë për shëndetin tuaj mendor
Studimet tregojnë se kalimi i kohës jashtë, veçanërisht pranë pemëve dhe pyjeve është i mirë për shëndetin tuaj. Një nga përfitimet më të njohura të të qëndruarit mes pemëve është rritja e humorit. Kalimi i kohës në natyrë “i jep pjesës njohëse të trurit tonë një pushim, duke na lejuar të përqendrohemi më mirë dhe të rinovojmë aftësinë tonë për të qenë të durueshëm”. Efekte të tjera mund të përmendim; qartësinë mendore dhe ndjenjën e rienergjizimit.
Zonat e përbashkëta me pemë gjithashtu ndihmojnë në ndërtimin e lagjeve më të forta.
-
Mësoni një aftësi të specializuar
Pylltaria është një shërbim thelbësor në përmirësimin, menaxhimin dhe ruajtjen e pyjeve. Peisazhet e pyllëzuara përballen me katastrofa natyrore, shndërrimin dhe zhvillimin e përdorimit të tokës dhe shkatërrimin nga zjarri katastrofik.
Karriera ne pylltari kërkon një numër aftësish të ndryshme, nga identifikimi i pemëve dhe zgjidhja e problemeve deri tek vendimmarrja dhe planifikimi i parë në aspekt më të gjerë. Një karrierë në pylltari do të thotë që ju do të fitoni njohuri praktike në shëndetin e tokës, hidrologji, menaxhimin e ekosistemeve, bujqësi, në ruajtjen e botës së egër dhe zinxhirin e furnizimit me lëndë drusore.
-
Punë (profesion) në një fushë e cila është në rritje të vazhdueshme
Karrierat në pylltari kanë ekzistuar që nga vitet 1800 dhe kërkesa në këtë sektor është vetëm në rritje. Për shkak të efekteve fatkeqe të ndryshimit të klimës, pylltarët e specializuar dhe shkencëtarët e ruajtjes së pyjeve janë të nevojshëm në të gjithë botën për të ndihmuar në ruajtjen e një prej burimeve tona më thelbësore natyrore, pemëve. Industria pyjore parashikohet të rritet 5% nga 2019 në 2029, më shpejt se mesatarja për të gjitha profesionet, veçanërisht në fushën e menaxhimit të zjarrit i cili përfshin parandalimin, zbutjen dhe shtypjen e zjarrit.
Kur bëhet fjalë për të vendosur se ku të punojnë, shumica e pylltarëve të kualifikuar punojnë për një njësi të qeverisjes lokale ose shtetërore (ose provinciale). Punët qeveritare mund të fitojnë paga të mira, veçanërisht në nivelin federal ku pylltarët profesionistë fitojnë një pagë mesatare prej 76,000 dollarë. Nëse nuk jeni të interesuar për një punë qeveritare, ka shumë organizata mbrojtëse mjedisore dhe jofitimprurëse që po kërkojnë aplikantë.
-
Benefitet afatgjata shëndëtësore
Të jesh në gjendje të punosh jashtë është si një politikë sigurimi e shtuar për shëndetin tënd. Kur zgjidhni një punë në pylltari, do të kaloni më shumë kohë në natyrë sesa një person mesatar dhe madje pa u përpjekur, do të zvogëloni në mënyrë aktive nivelin e hormoneve të stresit si kortizoli dhe adrenalina që mund të çojnë në inflamacion kronik dhe një sistem imunitar të shtypur nëse nuk rregullohen si duhet.
Por kjo nuk është e gjitha. Kalimi i kohës në një pyll (urban ose rural) zvogëlon një sërë çështjesh shëndetësore, duke përfshirë sëmundjet e frymëmarrjes dhe kancerin e lëkurës dhe ndihmon në promovimin e një jetese aktive, e cila mund të zvogëlojë mbipeshat.
Ka shumë arsye të mëdha për të ndjekur një karrierë në pylltari (aq shumë sa nuk mund të përfshihen në këtë listë). Nëse ideja për të punuar në një tavolinë, shikimi në ekranin e kompjuterit për 50+ orë në javë tingëllon dërrmuese, nuk jeni vetëm. Përfitimet e punës jashtë, ushtrimi i trupit tuaj dhe mbrojtjes së një burimi që është i paçmuar për jetën tonë në tokë është një karrierë jashtëzakonisht e dobishme dhe e nderuar për t’u zgjedhur ndaj mos u mendoni shumë po zgjidhni FSHP për të studiuar.
Dr. Ina VEJSIU
Departamenti i Pyjeve, Fakulteti i Shkencave Pyjore, UBT.
